Chapter 24

Chapter 24

"Oh, bakit ka tinawag?" tanong ni Lawrence na kakuwentuhan ko rito sa circular couch.

Nakabusangot na lumapit sa amin si Aki.

"Ewan ko ba roon. Parang sira."

"Anyare ba?"

"Huwag n'yo ng tanungin." Naupo siya sa pang-isahang couch at tumingin sa akin. "Punta ka raw roon."

Napapitlag ako sa kinauupuan dahil sa sinabi niyang iyon.

"A-Ako?"

"Tawag ka."

"Bakit daw?"

"Ewan. Basta papuntahin ka raw eh."

Hindi ako gumalaw agad, nag-iisip kung pupunta dahil puno ako ng alinlangan.

"May pagkasuplado iyong leader namin pero mabait din iyon. Kailangan mo lang talagang habaan ang pasensya mo," pagpapalakas ni Lawrence sa loob ko.

"Maganda naman ang naging trabaho mo, Anaia, kaya hindi ka dapat kabahan. Malay mo may iuutos lang."

"Sige na, punta ka na roon. Ayaw pa naman niyon na pinaghihintay siya nang matagal."

Tumayo na ako at kabadong naglakad papunta roon. Hindi ko alam na mainipin na pala siya ngayon. Parang dati lang nahihintay niya ako nang matagal sa traba— basta. Ayoko na lang