Chapter 12

LIYANNA’S POV

Hindi ako pumunta sa birthday ng dati kong biyenan dahil hindi pa ako handa. Dahil mas pinaghahandaan ko ang party sa bahay nila Charles. Kinakabahan man ako pero alam ko na wala naman akong ginawa sa kanila para matakot ako. Habang naliligo ako bigla akong napatingin sa repleksyon ko sa salamin. Wala sa sariling napahawak ako sa tiyan ko. Ang malaking peklat na saksi sa lahat ng pinagdaanan kong hirap. Pero sa kabila ng mga hindi magandang nangyari ay ito rin ang patunay na may buhay na nabuo sa loob ko. Na siyang dahilan kung bakit buhay pa ako hanggang ngayon at lumalaban.

“Mommy, Tito Charles is already here!” Sigaw sa akin ng anak ko mula sa labas ng banyo.

“Coming..!” Sagot ko sa kanya.

Mabilis akong nag banlaw at lumabas na sa banyo. Nakita ko ang anak ko na nakaupo sa kama namin. Nakanguso ito kaya mabilis ko siyang nilapitan at hinalikan sa pisngi hanggang sa pinugpog ko ng halik ang buo niyang mukha.

“Kanina pa ba ang Tito Charles mo?” Tanong ko sa kanya nang tu