Part || — Chapter 2

LIYANNA’S POV

Hindi ko akalain na nagsisinungaling si daddy sa amin. Kaya naiintindihan ko ang asawa ko. Mas pinili kong manahimik dahil alam ko na nasasaktan siya at nagagalit siya sa daddy niya. Sa loob ng ilang taon ay niloko niya ang lahat. Ako ang mas nasasaktan para kay mommy. Sa loob ng maraming taon ay nagtiis siya mabuo lang ang pamilya nila. Sana ay talagang nagsisi na si daddy sa lahat ng kasalanan niya. Minsan iniisip ko kung paano nakakaya ng konsensya niya na gawin ang lahat ng 'yon.

Hindi ko rin inaasahan na nagkagusto siya kay Pia. Naisip ko tuloy mahal pa rin kaya ni Pia si daddy? Totoo kaya ang mga sinabi niya na mahal niya ang lalaki kong biyenan. Pero hindi sila magkakaroon ng dalawang anak kung hindi niya ito mahal. Nagmahal siya sa maling tao at nagawa pa niyang makapanakit dahil sa mga maling desisyon niya. Lagi kong ipinagdadasal na sana ay nasa maayos pa rin sila ni ate Cathy. Oo galit ako sa kanila pero alam ko na sa puso ko ngayon ay napatawad ko na silang d