Chapter 50.1

“MS. VIOLET!”

Nagising si Irene dahil sa paulit-ulit na pagtawag sa kaniya nang kung sino. Pero tila familiar sa kaniya ang boses na iyon kaya nang idilat niya ang mata niya ay natigilan siya ng makitang madilim ang paligid at tanging ilaw na nakatapat sa kaniya mula sa taas ang ilaw.

“M-Ms. Violet gising ka na! Nasaan tayo?!”

Napalingon siya sa nagsalita at nakita niya doon si Jess na umiiyak. Doon lang tuluyang bumalik sa kaniya ang nangyari bago siya mawalan nang malay. Sinubukan niyang galawin ang kamay niya ngunit hindi niya magawa dahil nakatali iyon sa likod ng kinauupuan niya.

“Y-yung tatlong babae! Sila ang may gawa nito! Pero paano ka napunta dito Jess?” takang tanong ni Irene sa kaibigan.

“M-may inuutos saakin team leader namin sa floor na ‘yon tapos nakita kita na walang malay. Nagulat ako pati ako pinatulog nila… Natatakot ako Ms. Violet!”

Hindi maiwasan ni Irene na maawa sa babae. Alam niya ang nararamdaman nito lalo na ganoon ‘din siya noong unang maranasan niyang