Chapter 24.1

Kinabukasan ay maaga akong umalis. Akala ko magigising si Masson para ihatid ako pero hindi. Tulog pa rin siya. Parang wala rin ako sa mood muna humarap sa kaniya.

Pinabayaan ko nalang. Mayaman ang pamilya Villaranza pero walang driver. May maid pero hindi lalagpas bente. Masiyado silang malaking tao kaya hindi sila basta basta nagpapapasok sa mga ari-arian nila.

Nag taxi nalang ako. Hindi na rin ako nag almusal however kumuha ako ng sandwich para kainin ko pagdating sa school mamaya. Kailangan ko pang mag review para hindi mawala sa isipan ko lahat ng pinag-aralan ko kahapon.

Pagdating ko sa school ay agad akong dumiretso sa gym. May nakita akong nag pa-practice ng basketball.

Una kong nakita si Drake. Hindi ko alam pero gumaan ‘yong mood ko nang makita siya. After sa mall ay hindi ko na sila nakita pa sa school.

Ngayon lang ulit. Nang mapatingin siya sa 'kin ay ngumiti ako sa kaniya. Akala ko lalapit siya sa 'kin at tatawagin akong ate pero hindi niya ginawa. Nag iwas siya na