Chapter 76

IT HAS been ten days. Binigyan na sila ng discharge form ng doktor. Makakalabas na sila ng ospital at magpapagaling na lamang ang ama sa bahay. May reseta ng mga gamot na importante nitong mainom sa tamang oras. Maraming mga bawal na gawain at maging mga pagkain.

"Ako na po," ani Maris na kinuha ang wheel chair sa nurse na nagtutulak sa kanyang ama.

"Kabilin-bilinan ni Sir na huwag ko kayong pagurin na mag-ama. Ako na." Inagaw muli ng nurse na halos kasing-edad ni Manang ang wheel chair.

Maging si Manang Bola na nasa tabi niya lang ay kanina pa nanggigigil. Inupahan ni River ang nurse upang magbantay at mag-alaga sa papa niya simula sa araw na iyon. Ilang ulit silang nagtalo ni River. Pero wala na siyang magawa nang dumating at magpakilala sa kanila si Nurse Lita kaninang umaga. Sinegundahan pa ito ng cardiologist ng papa niya na mas mainam na may bantay ang ama habang nagpapagaling ito. Kung bakit kilala rin ng espesyalista ang pamilya ng mga Andrada kaya mabilis kinampihan si Nurse