Chapter Thirty Two

 Nasa kusina si Aaliyah habang umiinom ng tsaa. Malalim ang iniisip nito. Simula nang pumayag siyang tumira si Travis sa condo niya, kung ano ano na ang naiisip niya.

 Kinakabahan din siya dahil muli niyang makakasama ang lalaki. Hindi pa niya ito nakakausap hanggang ngayon. Maghapon kasi nitong kasama ang anak. Hindi humihiwalay si Trishana sa ama. 

 Habang malalim ang iniisip ni Aaliyah, hindi niya naramdaman na may tao na pala na nagmamasid sa kanya mula sa pinto ng kusina. 

 Sumandal si Travis sa hamba ng pinto habang taimtim na tinitingnan ang asawa. Hinahayaan niya ang sariling magsawa kakatitig dito.

 Masaya si Travis dahil pumayag ang asawa niya na tumira sa condo nito. Alam niya sa sarili niyang hindi madaling makuha ang loob nitong muli. 

 Pero gagawin niya ang lahat para bumalik ang da