TBHL: Chapter 81

Mabuti na lang ay naging alerto si Travis kaya mabilis niyang nahila si Aaliyah para maiwasan ang mga balang patungo sa kanila. Tumakbo sila sa gilid kung saan may devider na pader, Iyon lang ang nakikita nilang pwede pag-taguan, Buti na lang meron noon doon. Isa iyong pader na may mga nakasabit na halaman at mga bulaklak.

Nagulat sila ng nanlilisik at galit na galit na tinutukan sila ng baril ni Mayell sabay pinaputukan ang gawi nila. Kung hindi niya nahatak ang asawa ay ito ang matatamaan.

Nag-aalalang hinawakan ni Travis sa balikat ang asawa at chineck ang buong katawan nito. Habang si Aaliyah naman ay hindi pa rin makapaniwala na binaril talaga sila ni Mayell. Kung hindi agad siya nahila ni Travis ay siguradong matatamaan siya. Nanginginig ang mga kamay niya, Muli na naman niyang naalala ang nang-yari noon. Binaril din siya ni Mayell ang kinaibahan lang ay dalawa lang sila ni Trisha non at hindi nila nagawang maka-ilag. Ngayon ay nandito ang asawa niya at niligtas siya.