Chapter 32

Malaki ang aking ginawang hakbang papunta sa kwarto kung saan naka-admit si Calyx. Mangiyak-ngiyak ako habang binibagtas ang daan papunta sa hospital. Nasa likuran ko si Kate kasama ang kan’yang nobyo na si Oliver, kahit sila ay nag-aalala rin para sa lalaki.

Naging mahirap para sa amin ang makapasok sa loob dahil sobrang dami ng mga tao sa labas or should I say mga media na nag-aabang sa kalagayan ni Calyx ngayon.

Nang nasa harapan na ako ng kwarto ay huminga muna ako ng malalim, halos hindi magkamayaw sa pagtibok ang aking puso dahil sa pag-aalala. Marami ang naglalaro sa aking isipan kung ano ang nasa likod ng kwarto, kumusta siya? Okay lang ba siya?

Dahan-dahan kong pinihit ang seradura ng pintuan at bumungad sa akin ang amoy ng gamot na nagmumula sa loob. Impit akong napaiyak nang makita ko si Calyx na ngayon ay nakahiga sa kan’yang kama. May benda ang kan’yang ulo habang mahimbing na natutulog. Kita ang braso nito na may benda pati na ang mukha nitong puno ng mga pasa.

“Oh Lo