CHAPTER 51

Tahimik akong nakatingin sa repleksiyon sa salamin. May lamlam sa mga mata ko at pagod na nakakubli. Maingay ang paligid dahil abala ang lahat sa pag-aayos sa mga isasalang na modelo. 

Tinapunan ko ng tingin si Dante na nasa isang sulok. Tahimik na minamatyagan ang paligid. Si Kuya Leo ay nasa labas ng backstage. Dumako ang tingin ko sa mga mata ni Ate Fatima na nag-aalala at kuryusong nakapermi sa akin.

Nahahalata niyang balisa ako at minsan ay natutulala nalang. Wala siyang alam sa nangyari sa akin at wala akong balak na sabihin sa kanya.

Ignorance is sometimes not only a bliss, but a safety, too. I don't want to drag her, or anyone, in this mess.

Inaayusan ako ng make-up artist at hair stylist ko ngayon para sa gaganaping fashion show ng isang kilalang designer dito sa Berlin, Germany. I've said yes to this gig because I thought he'd be with me. Only to get disappointed.