Chapter 81

POV: Jillian

Dumating ang asawa niya na parang pinagbagsakan ng langit at lupa. Nakasimangot ito, at akala mo ay napaaway sa labas ang hitsura.

"Daddy.. okay ka lang ba?" sinalubong niya ito.

"Okay lang ako, kumain ka na ba?" sagot nito bago pabagsak na naupo sa sofa.

"Hi--hindi pa.. hinihintay kasi kita." sagot niya.

"Kumain ka na, busog pa ako. Wag kang manonood ng tv. May pinapakalat na namang tsismis tungkol sa amin ni Tamara, ayokong maapektuhan ka." Tumayo na ang lalaki, "papasok muna ako sa kwarto."

Nakatingin lang siya sa asawa niya. Nawala yung magiliw na lalaki sa loob lamang ng isang maghapon.

"Ano kayang nangyari sa kanya?" napailing na lang siya, saka ito sinundan.

Nakahiga ang lalaki na nakalaylay ang mga paa. Inalis niya ang sapatos nito, saka maatos na inihiga sa kama. Kumuha siya ng bimpo at binasa iyon, saka pinunasan ang lalaki. Hinubad niya ang polo at pantalon nito, saka sinuotan ng pajama.

Nahiga na lang siya sa tabi ng lalaki at yumakap ng mahigpit. Gusto niyang