KABANATA 25.1 — LEGALIZATION

Tila napako si Eilana sa kinatatayuan matapos magulantang sa nasaksihan.

"Oh my Gosh—!" tanging nasabi nito bago pulutin ang kumpol ng nabitawan niyang susi sa sahig. Matapos nito ay kaagad siyang pumunta sa sala upang maupo at maiproseso ng kanyang utak ang lahat.

Kinakabahan at gulat na gulat sina Aaron at Spencer dahil sa pagkakahuli sa kanila. Ngunit Kahit hindi pa alam ni Spencer kung paano ipapaliwanag ang nasaksihan nito'y sinundan pa rin niya ang nakakatandang kapatid sa sala upang kausapin.

Sumunod naman kaagad si Aaron sa nobyo, sa isip nito'y kung meron man dapat magpaliwanag ay siya 'yun. Gusto niyang ipakita sa ate ni Spencer kung gaano niya kamahal ang binata.

Sa sala ay nakaupong naghihintay si Eilana sa dalawa. Gusto niyang marinig ang paliwanag ng mga ito. Hindi ito galit o mayroong ano mang negatibong impresiyon sa nakita ngunit gusto lamang niyang malaman ang tungkol sa relasyon nila.

"A-ate?!"