Chapter 29

Erica

Kinabukasan, nagising na lamang ako ng wala na si Pearl sa aking tabi. Sinubukan ko pa itong tignan at hanapin mula sa loob ng aking banyo, pero bigo ako. Tiyak na maaga itong nagising kanina kaya hindi ko na namalayan ang pag-alis niya.

Dismayadong napapahinga na lamang ako ng malalim sa aking sarili. Hindi man lamang kami nakapag usap ng maayos kagabi, tapos ngayon naman...inalisan ako ng wala man lamang paalam.

Hindi na rin ako nagtagal pa sa paghiga dahil kinailangan ko na rin ang mag handa para sa pag pasok sa trabaho, tiyak na marami naman akong gagawin ngayong araw sa opisina. Kailangan ko ang mag focus at mag ipon ng maraming lakas para sa buong maghapon.

Habang naliligo, hindi ko maiwasan ang hindi muling mapa isip. Alam kong nahihirapan na si Pearl, alam kong napaka bigat na ng mga pinagdadaaanan niya nitong mga nakaraang araw. Alam ko 'yun at nararamdaman ko. Pero bakit