Chapter 22: Rehabilitation

THIRD PERSON'S POV

Sa hindi malamang dahilan ay bigla na lamang nakaramdam ng labis-labis na kaba si Qwerty. Nang makapasok siya sa bahay ng magulang upang kumustahin ang kakambal. Pagpasok niya mula sa main door ay nakita niya agad ang bakas ng dugo sa marmol na sahig. Madaling-madali namang tumakbo si Qwerty sa kwarto ng kapatid. Nang pihitin niya ang seradura ng pintuan ay nakalock ito.

Nag-uunahan na sa pagtulo ang mga luha sa pisngi ni Qwerty at binalya ang pintuan upang mabuksan at makapasok siya. Subalit kahit anong gawin niya'y wala talaga kaya naman napagpasyahan na niya itong tadyakan. Sa hindi malamang dahilan ay isang malakas na tadyak lamang rito'y nabuksan ito. At tumambad sa kanya ang kalagayan ni Querem. Nakasabit ito sa kisame at kasalukuyang nakikipaglaban sa buhay nito.