Chapter 132: Ang meeting

Nakatulog si Joseph at Carmela ng magkaaway. Napalingon si Joseph sa kanyang asawa na si Carmela saka marahan na bumuntong hininga. Bakit pakiramdam niya ay malayo na ang kanyang asawa sa kanya?

Hinaplos niya ng marahan ang pisngi nito at nakadama siya ng kalungkutan sa kanyang sarili.

Hinihiling niya na sana ay maayos na lang ang daddy niya ngayon para natututukan niya si Carmela. Pakiramdam niya ay may iba pang rason ang galit ni Carmela sa kanya.

Napatingin siya sa orasan at saka nagdesisyon

ng mag-asikaso upang pumasok agad sa opisina. Hindi niya man lang nasabi kay Carmela na may meeting siya sa ibang bansa para sa proyektong ginagawa nila.

"Hay! Mas maganda yata sabihin ko na lang siguro. Mas mahirap kung madadagdagan ang pag-aaway namin," bulong ni Joseph sa kanyang sarili habang nagsa-shower. Kinuha ang kanyang tuwalya at saka nagpunas ng kanyang sarili. Kinuha niya rin ang isa pang tuwalya upang ilagay sa kanyang bewang.

Naglakad siya papalabas ng banyo nila saka mabilis na