Chapter 156: Anak mo si Lucas!

HINDI alam ni Joseph kung ano nga ba ang sasabihin niya. Nakaupo siya sa hapagkainan at masaganang kumakain si Lucas habang nakatingin sa kanya. Hindi niya akalain na ang batang kasama niya kahapon lamang ay anak ni Carmela. Biglang pakiramdam niya ay nawalan na siya ng ganang kumain.

Nakatungo lamang si Carmela habang kumakain at umiiwas ito ng tingin sa kanya. Mas lalong nasaktan si Joseph habang iniisip na may anak na si Carmela habang siya ay wala pa. Nakaramdam siya ng kalungkutan at inggit.

“Sir, kumain ka po ng marami. Sabi sa akin ni mommy ay hindi po dapat tayo nagsasayang ng pagkain dahil maraming taong nagugutom sa mundo,” Nakangiting sabi ni Lucas habang ngumunguya.

Pinilit naman ni Joseph ang kumain. Sikat na modelo ngayon si Carmela kaya hindi niya akalain na si Carmela pala ang nanay ng batang kasama niya kahapon.

Inilapit ni Lucas sa kanya ang tinidor nito na may hotdog. Nakangiti ito na parang tuwang-tuwa kay Joseph. Natigilan si Joseph ngunit kinagatan ang hotdog na