Chapter 73: Miscarriage

Binuhat agad ni Joseph si Carmela habang tumutulo ang luha niya. Narinig niya ang pagmura ni Darwin at Enrique.

Nagkagulo lalo sa mismong loob ng classroom nila.

"Magsialisan nga kayo! Kapag may nangyari masama kay Carmela, makikita niyo talaga!" sigaw ni Enrique. Nasa mukha nito ang pag-aalala kay Carmela.

"Bilisan mo ngang tumakbo, Joseph!" utos naman ni Enrique sa kanya. Halos takbuhin na nila palabas mismo sa kanilang eskwelahan.

Nagkaroon ng tanungan ang ibang estudyante.

"Sa kotse ko na!" sigaw ni Darwin dahil ang kotse niya ang pinakamalapit. Nakaramdam ng pagwewelga si Joseph sa kanyang puso.

"Tigilan niyo nga muna 'yan! Mamaya makunan si Carmela dahil sa selos mo." seryoso ngunit pabulyaw na sabi ni Enrique dahil nakita niya na parang nagalit pa si Joseph.

Binilisan nilang dalhin si Carmela sa mismong malapit na hospital sa eskwelahan nila.

Humahangos silang tatlo habang buhat ni Joseph ang katawan ni Carmela na walang malay.

"Nurse! Please, pakiasikaso po ang kaibigan namin