Chapter 86: Darwin and Grasya

Tahimik lamang si Grasya habang pinapanood si Carmela at Joseph na naglalambingan sa isat isa. Hindi siya makapaniwala na kasal na pala ang dalawa matagal na.

Ngunit nagpapasalamat din siya na hindi na malaman dahil baka umasa siya sa lalaking minamahal niya simula pa ng bata siya. Naging malungkot ang kanyang ekspresyon ng maalala ang lahat.

"Grasya, ayos ka lang ba? Bakit ang tahimik mo?" puna sa kanya ni Carmela. Ihahatid siya nila Carmela sa bahay nito.

"Paano ako makikipag-usap sa inyo kung kulang na lang ay kagatin na ako ng langgam sa kinauupuan ko." mataray na sabi niya. Natawa naman si Carmela sa kanya saka palihim na ngumisi.

"Wala ka bang naging boyfriend?" tanong ni Carmela sa kanya na ikinatigil ng kanyang katawan. Ayaw niya ng maalala ang lahat. Ayaw niya ng maalala ang sakit na naranasan niya.

Tumikhim si Joseph na mukhang may nalalaman kay Grasya.

"Babe, huwag mo ng tanungin si Grasya, nakikita mo naman na medyo uncomfortable siya." suway ni Joseph na ikinataas ng kilay