Ch. 67

Kinabukasan ay agad na nag tungo si Atanasha sa company para makausap si Red. Hindi niya na magawang makatulog dahil sa mga bagay na gumugulo sa kaniyang isipan. Hindi niya na kayang mag hintay nalang ulit at umupo nalang sa bahay na parang walang nangyayari. Suot ang jogging pants at jacket na sinamahan pa ng sumbrero, facemask, at salamin, ay matapang niyang dinaanan ang mga paparazzi at pinanatiling kalmado ang sarili.

“Oh, teka bakit parang familiar tong taong to… Ah! It’s Atanasha Felise Devon!” Sigaw ng isang paparazzi na nakapansin kay Atanasha. Mabilis na ang lingunan ang mga ito sa pinanggalingan ng boses at agad na nagkagulo upang malapitan si Atanasha. Kanya kanya itong tanong at kuha ng litrato. Mabuti na lamang ay agad na nakapasok ng building si Atanasha at mabilis na naharangan ng mga guard ang mga paparazzi.