17. MADE 1

YUMI

Nakatingin ako sa alaga kong naglalaro sa tabi ko. Nasa garden kami at naglatag lang ako ng mat para dito kami sa makapal na trimmed lawn grass nakapwesto. Gustong-gusto ni Reign dito sa garden, at baka mamaya ay nandito na rin si Aleia.

Napatingin ako sa loob ng mansion na natatanaw ko. Tatlong araw na si Ice na nandito at napapansin ko na lagi siyang umaalis. At sa tatlong araw na nakalipas ay ako ang gumagawa ng paraan para umiwas sa kaniya.

Nakausap ko si Sir Rex nakaraang gabi pero ang sabi niya lang sa akin ay magaling naman ako magpanggap kaya gano’n na lang muna ang gawin ko. Ang pagdating daw ni Ice sa mansion ay nataon lang. Tumawag lang daw sa kaniya iyong kaibigan niya na Russian, si Hail Petrov-Silva na pinsan ni Ice, at sinabing nasa Italy nga ang isa. Ang sabi raw no’ng kausap ni Sir Rex ay may importanteng sadya si Ice kaya hinahanap siya.

Nasabi ko naman kay Sir Rex na duda ako lalo na at nagkita kami ni Ice sa park nakaraang buwan at pilit akong tinatawag