Chapter 25

“NAKU frenny, paano na ‘yan?” nag-aalalang sabi ni Ria habang ka-video call ito ni Cataleya. “Malalagot ako nito kay Madam Wanda. Inaasahan na niya sa akin ang bayad sa mga alahas na kinuha ko sa kanya.”

Napabuntong-hininga si Cataleya. Bakas pa rin sa mukha niya ang matinding panglulumo dahil sa nanyari. Nabigo siyang mabawi ang nahablot na bag sa kanya kung saan naroon ang mga alahas. Nai-report na niya sa police ang nangyari. Kaso ang masaklap, walang CCTV camera sa lugar na naging biktima siya ng riding and tandem.

“Naghahanap na ako ng pwede kong pagbentahan nitong bahay ko,” sabi niya, labag sa kalooban niya ang naiisip niyang plano. “Then, may pera pa naman ako sa bangko para pandagdag bayad din.”

“Pero, paano ka frenny? Saan ka titira n’yan?” ani ng kaibigan niya na mas lalo pang nag-alala. “Kulang din ang pera ko ngayon, maliit lang pero pwede ng pandagdag.”

Isang pilit na ngiti ang gumuhit sa labi niya. “Bahala na, mas mabuti pang makitira ako kung saan kaysa makulong ako