Chapter 32

Humugot ng malalim na hangin si Alma saka mahinang kumatok at itinulak ang nakasara na pinto. Bumungad sa kan'ya ang maaliwalas na silid, maihahalintulad na ito sa isang condominium unit. Kumpleto ang appliances, may malaking flat na television sa wall, refrigerator sa sulok, 'sinlaki na halos ito ng buong unit na tinitirhan nilang bahay sa Palawan. Ngumiti ang Mommy ni Irish nang makita s'ya. Pinili nitong lumabas upang magkasarilinan sila ng anak nito.

Nakadama ng habag ang dalaga nang makita itong nakaupo malapit sa bintana si Irish at nakatanaw sa labas ng bintana. Tila malalim ang iniisip nito. Parang piniga ang damdamin ni Alma nang makitang pumayat ito at nanlalalim ang gilid ng mga mata.

Naluluhang ginagap ni Alma ang palad nito na awtomatikong ngumiti. Noon pa man, hindi na ito nagkakait ng ngiti sa kahit kanino.

"Kumusta ka na, Ma'am Irish?"

"Lumalaban." Pilit itong ngumiti. "Salamat Alma, pumayag kang magtrabaho ulit sa Gabrish." Ito ang kumumbinse sa k