CHAPTER FIFTY-SIX

"Kumusta na raw si bayaw?"

Tanong ni Jun-jun sa ina nang naibaba ang telepono. Ito naman kasi ang tumawag sa tahanan ng mga De Luna. Napag-alaman din nilang maagang nanganak ang kapatid niya.

"Ligtas na raw siya, anak. Nagkaroon lang daw ng kaunting problema kani-kanina pero ligtas na raw siya."

"Hindi ko tuloy alam kong ano ang sasabihin ko, Mama. Simula nakilala ko si bayaw ay wala na yata akong nabalitaang tahimik na araw sa kanilang mag-asawa. Kahit pa sabihing dulot ito ng trabaho nila."

"Anak, kagaya nang sinabi mo ay kakambal na ng bayaw mo ang mga bagay na iyan. Dahil sa uri ng trabaho niya ay napadpad siya rito sa ating lugar kaya nga niya nakilala ang kapatid mo. Lahat naman ng tao ay dumadaan sa mga pagsubok iyon nga lang ay magkakaiba ng paraan."

"Opo, Mama. Tama ka po. Pero bilib din ako sa pamilya nila. Kahit ilang beses ko lang nakaharap ang matandang De Luna ay masasabi kong he is a man with dignity. Kaya't hindi ako nagtataka kung bakit marami silang mga kaibigan at s