Chapter 65

Bago mag-alas-diyes, inihatid siya ni Skye sa university.

“See you later, babe.” Nabigla siya nang halikan siya nito sa labi.

Napatingin siya sa paligid. Mabuti na lang walang mga estyudante roon.

Napailing siya.

“See you later. Sige na. Ma-l-late ka na.”

“Pumasok ka na muna sa room mo bago kami umalis.”

Makikipagtalo pa ba siya? Bago tumalikod ay nagbigay siya ng flying kiss sa binata na ikinangiti nito at tumango.

“I love you,” bulong niya sa hangin.

Mas lalong lumawak ang ngiti nito.

“I love you, too!” Gumanti ito ng flying kiss.

Feeling teenager ang pakiramdam niya habang yakap ang notebook. Nakangiti pa siya habang nakakagat sa labi.

Pagliko niya sa pasilyo, nabangga niya ang isang bulto. Nagulat siya at agad na iniangat ang ulo.

“Miss Yumi!” Napahawak siya nang mahigpit sa dalang notebook.

Mukhang wala ito sa mood na ikinapagtaka niya. Ano’ng ginagawa nito sa pinapasukan niya?

“You again?!” nakapameywang na wika nito. “Sa dami ng estyudante rito, ikaw pa talaga ang makakasalubo