Chapter 14

Alessia's POV

NAKABALIK kami sa palasyo na malalim na ang gabi. Ramdam na ramdam ko na rin ang matinding gutom dahil lahat kami ay hindi kumain simula kanina. Gutom na gutom kami at natitiyak ko na marami akong makakain ngayon.

Tila binulabog naman ang buong palasyo sa pagdating namin. Lahat ng mga serbidora at mga sentinels ay sinalubong kami. Pilit kong kinukubli ang harapan ko gamit ang aking mga damit. Tinulungan naman ako nina Elijah at Stefano kaya hindi nila hinayaan na makalapit sa akin ang sino man serbidora, kahit na si Estrebelle na ipinagtaka niya.

Nagmamadali akong pumanhik sa aking kwarto para maligo at makapagbihis. Sinarado ko ang pinto at nilock ko iyon upang hindi makapasok si Estrebelle ng basta basta.

Papasok na sana ako sa banyo nang makarinig ako ng tila kinukuskos ang pintuan. Nagtaka naman ako kung ano iyon kaya bumalik ako sa pintuan upang buksan iyon.

Pagbukas ko ay wala akong nakita nino man pero napatingin naman ako sa ibaba nang may naglakad papasok at nak