Chapter 37

Third Person's POV

NAGKUKUMAHOG na tumakbo si Stefano papalapit kay Elijah. Kinakabahan ito lalo na sa pakikitungo ni Alessia. Hindi mapigilan ni Stefano na matakot sa mga posibleng mangyari.

"Kamahalan, si Alessia mukhang aalis na siya. May dala na siyang mga gamit." Kinakabahan na saad ni Stefano. Hindi ito mapakali dahil na rin sa reaksyon ni Alessia.

Tila tinakasan naman ng dugo si Elijah at mabilis itong lumitaw sa harapan ng pintuan ng kwarto. Maraming sentinels doon na tila naalarma at hindi alam ni Elijah kung ano ang nangyayari. Marahas na binuksan ni Elijah ang pintuan at sumalubong sa kanya ang malamig na hangin. Nakita niya na basag na ang salamin ng bintana at nakakalat ang mga bubog nito sa sahig. Nililipad ang kurtina dahil na rin sa malakas na hangin mula sa labas at may mga iilan na niyebe na pumapasok sa silid.

Itinuon niya ang kanyang pansin kay Alessia. Nakasakay na ito sa likod ni Sushi. Nakasuot ito ng isang puting coat at may scarf ito sa leeg na kulay pula. Nak