Chapter 72

CELINE

Pinalipas ko muna ang ilang segundo bago ako nagsalita muli sa kanya. Nagkatitigan kaming dalawa ni David. Seryoso pa rin akong nakatingin sa kanya.

Bago ko siya sinagot sa mga katanungan niyang 'yon na binabato sa akin ay nagpakawala muna ako nang malalim na buntong-hininga.

"Hindi ka puwedeng umalis at bumalik sa Maynila, David. Hindi kita papayagan na bumalik pa doon, okay?" sabi ko sa kanya at kinunutan niya ako ng kanyang noo.

"Bakit?! Bakit hindi ako puwedeng bumalik sa Maynila, huh? Gusto ko lang naman na magtrabaho doon para maibalik ang lahat ng meron ako dati. Gusto ko na yumaman muli para patunayan na kaya kong makabangon, Celine. May mga utang pa akong kailangan na bayaran kaya kailangan ko talaga ng trabaho na malaki ang sahod. Hindi na ako mayaman, Celine. Alam mo 'yan, 'di ba? Iba na ang ikot ng mundo nating dalawa. Ikaw na ang mayaman ngayon at ako naman na ang mahirap ngayon. Ibang-iba na ang lahat. Hindi naman ako umaasa na bibigyan mo ako kung ano ang meron k