Chapter 16

"Kali, what's taking you so long?" Narinig kong sigaw ni Kuya Lucas mula sa labas ng kwarto ko.

Hapon na, at may usapan kami na bago mas alas-sais susunduin namin si Ate Kela sa kanyang opisina dahil sa labas na kami magdi-dinner.

Kumontra pa nga kanina si mama. "Bakit sa labas pa? Pwede naman na magluto na lang dito?"

Oh, ‘di ba? Napaghahalataan din na kuripot siya! Panigurado naman kasi na hindi siya ang sasagot, eh. Kung magreklamo na naman siya, todo bigay na naman!

"Hon, that's a great idea..." Sang-ayon pa ni papa. "But I don't think Kela would come here." Pagdadahilan naman ni papa. May point naman si papa sa part na iyon, posible ngang hindi sumama si Ate Kela. Lalo na at panigurado na wala pa iyong alam sa mga nangyari.

At isa pa, hindi rin ako sigurado sa magiging reaksyon niya. Baka ang ideya pa na ito ay posible na hindi niya magugustuhan.

Mabuti na lang at hindi na nagmatigas pa si mama. Akala ko ipagpipilitan pa niya ang gusto niya, mabuti na lang at sumang-ayon din agad