Mr. Bipolar

"KAYO NA ba ni Brent, at hinatid ka niya pauwi?"

"Bakit ka na-late nang uwi?"

"Sa'n kayo nagpunta ni Brent?"

Sunod-sunod na tanong ni Amy pag-apak ko sa loob ng apartment. Akala ko ba masakit ang puson nito? Bakit ang lakas ng kanyang tilaok?

Hindi ko ito sinagot. Iniwan ko ang bag ko sa sofa at dumiretso sa kusina. Naghalungkat ako nang makakain. Gutom na ako at wala akong lakas na sabayan ang pagtilaok ni Amy.

"Hoy, bruha! Kinakausap kita ha?" nakapamaywang ito at nakatayo sa tapat ko.

Tiningnan ko lang ito at nilagpasan para kumuha ng plato. Nagsandok ako ng