Chapter 20.2

Verania’s Point of View

"Alam mong hindi ko makakayang gawin 'yan! Pinoprotektahan kita at anong silbi ko kung iiwanan kita?" inis kong saad pero napailing lang siya sa akin.

"Verania, for now mas marapat na alalahanin mo si Tita Andromeda!" sigaw niya pabalik kaya napasinghap ako.

"Paano ka kung gano'n?"

"Verania, please kahit ngayon lang makinig ka!" sigaw niya pa kaya kahit nahihirapan akong iwanan siya ay mabilis akong tumakbo sa kung saan naroon si Miss Andromeda.

Sana naman maging maayos ka lang diyan, Ares.

Napipilitan akong pabilisin ang pagkilos ko hanggang sa tuluyan na nga akong makarating sa restroom na ang tanging tao lamang ay si Olivia, si Tita Charlotte at si Sir Roosevelt naroon din pala si Claudia na anak din ni Miss Andromeda. Balak ko pa sanang magtanong kung nasaan ang iba subalit nahatak na ako paupo ni Olivia at doon ko nasilayan ang kalagayan ni Miss Andromeda.

Hirap siya sa paghinga at napalunok ako nang makita ang basag na baso ng wine sa tabi niya.

"An