Ika limampu’t tatlong kabanata

Mula sa loob ng isang sagradong silid ay kasalukuyang nakatayo sa harap ng altar si Mr. Yuay at ang asawa niyang si Mrs. Ling na may mahinang pangangatawan dahil sa karamdaman na nararanasan nito. Habang sa kanilang likuran ay ang kanilang mga anak na si Aiguo at ang kanyang Jiě jie (Ate).

Tahimik na nakatayo ang buong mag-anak habang ang kanilang mga kamay ay may hawak na tatlong incense sticks na may isang dangkal ang layo sa tapat ng kanilang mga mukha habang sa kanilang harapan ay nakalatag ang napakaraming pagkain sa tapat ng isang malaking Buddha. Sa magkabilang panig nito ay may tig-tatlong kandila na pawang may mga sindí. Nangingi-babaw sa loob ng kwarto ang mabangong amoy ng insenso na nagmumula sa mga hawak nilang incense stick.

Ang bawat isa ay umuusal ng isang pasasalamat para sa mga pagpapala na kanilang natanggap maging ang pagbabalik ng kumpanya sa kanilang pamilya. Isa ito sa kanilang tradisyon ang magsagawa ng paghahandog ng mga sari-saring pagkain sa kanilang sinasam