Chapter 40- NEW MISSION

ALAS DOS na ng hapon nagising si Leopold. Inabot na kasi sila ng alas-kwatro ni Andrea sa kanilang intimate na mga aktibidades.

Natutulog pa si Andrea kaya naman imbis na bumangon siya ay pinanood na lamang niya ito sa pagtulog.

Kung maganda ang bukas ng mukha ng dalaga kung ito ay gising, napakamalumanay naman nitong pagmasdan kapag natutulog. Perpekto ang tangos ng ilong nito.

Mayroon din itong makapal ngunit malinis na kilay na siyang nakapagbibigay ng matapang na aura rito. Maninipis at napakalambot ng labi nito na napakasarap halikan.

Batid niya sa sarili na may nararamdaman na siya para sa dalaga ngunit kinakailangan niyang pigilin ito dahil hanggang ngayon ay mahal pa rin niya ang namayapang si Beatriz.

Hindi niya nais na saktan ang dalaga. Natatakot siya na sa sandaling lubos na ang pag-ibig nito sa kaniya ay hindi niya magawang suklian nang pagmamahal na nararapat para rito.

Alam niya na nadala lamang sila ng alak kaya nila nagawang