KABANATA 54

“Nakakain ka na ba nito, Ery?” Ngisi ni Tatio ang sumalubong sa akin nang papalapit na ako sa kanilang pwesto sa palengke. Itinaas niya ang balde na puno ng mga gumagalaw na shell.

Araw ng linggo ngayon, at ito rin ang araw ng aking pamamalengke kaya mukhang nakaabang na si Tatio sa labas ng kanilang tindahan.

“What’s that?” Tanong ko sabay abot sa kanya ng listahan ng bibilhin ko sa kanilang tiangge.

“Suso o kuhol. Ma! Si Ery nandito na!” Sabay lakad sa loob para asikasuhin ang aking bibilhin.

“Oh, ang manugang ko pala!” Pinakita na naman ng mama ni Tatio ang sobrang gandang ngiti nito na nagpapatikom talaga ng aking bibig. “Kailan daw ang kasal niyo ni Tatio, ganda?”

“Sana magising na siya sa kanyang panaginip, ma’am.”

Bumungisngis ito. “Palabiro ka talagang bata ka!”

I tilted my head.

“Sabi ko nga sayo na tawagin mo na lang