Chapter 16

"Uuwi na lang ako sa condo, balik na lang ako mamayang hapon."

Tumayo na ako at ready na umuwi.

"Hatid na kita sa may gate."

Kinuha ni K.O. ang bag ko at siya na ang nagdala, kahit puro slime na rin dahil suot ko 'yung nung binuhusan nila ako. Pinagtitingnan kami ng mga estudyante. Ang iba nagtataka kung bakit ganito ang itsura ko. Habang ang iba naman ay tumatawa na para naman akong clown. Nakakainis pero hindi ko na pinapansin.

Dagdag isipin na naman sa'kin ang paghampas ko sa lalaki kanina. Sigurado ipapatawag na naman ako sa dean's office. Papapuntahin ko pa ba si Dad? O si Kuya Cal na lang.

"Hindi na po pwede lumabas, sarado na ang gate."

Pigil sa'min ng guard.

"Kuya, sa tingin mo talaga makakapag-aral pa ako sa ganitong itsura ko?"

Tiningnan ako ng guard at bumuntong hininga.

"O sige, isulat mo na lang pangalan mo at kung anong section ka para mainform namin ang teacher mo."

"Ako na gagawa, may slime nga e pagsusulatin pa."

Pagpaparinig ni K.O. sa guard bago kunin ang ba