Kabanata 24

“Nandidilim talaga paningin ko sayo e.”

“Kumalma ka nga-oh gumalaw na siya!”

Nagising ako sa ingay na nasa paligid ko, pagbuka ng mata ko ay putting ceiling agad ang bumungad, nilibot ko naman ang tingin ko at saktong si Cheevy ang lumapit na nag-aalala ang mukha.

Nalukot naman ang mukha ko. “Sa dami ng mukhang pwedeng bumungad sa akin, mukha mo pa talaga.” Pag-aangal ko, narinig ko namang tumawa sa kabilang gilid ko kay nilingon ko, si Kino at Paul. Nahagip pa ng mata ko ang kakasara ng pintuan.

“Sino yun?” Tanong ko kina Kino.

“Sino pa ba? Edi ang gagong si Mondevar,” Nilingon ko si Cheevy dahil sa sinabi niya. Kumunot ang noo ko. Teka nga.

“So nahimatay ako? Bakit daw?” Tanong ko sa kanila. Shuta, kumain naman ako ba’t na naman nahimatay, baka sa susunod matuluyan na talaga ako,