Kabanata 17

KABANATA 17

Atasha's POV

Lahat ng makita kong gamit sa loob ng condo ay wala akong pinalagpas, lahat winasak at binasag ko. I screamed, I cried, I poured out all the anger and pain that I was holding in my chest. Tila isa akong bomba na bigla na lang sumabog sa isang iglap at hindi ko alam kung paano papakalmahin ang sarili. Ramdam na ramdam ko ang panginginig ng mga ugat ko sa galit, at sa pagkakataong ito tila hindi ko na kilala ang sarili ko. Nanggagalaiti ako sa galit!

Hindi ko pinansin ang sakit na dulot ng mga sugat sa aking mga palad, na ngayo'y sugat-sugat na at may tumutulong dugo mula sa mga bubog na aking nadampian. Sa kabila ng lahat, hindi ko rin napigilan ang pag-agos ng luha na kasabay ng dugo mula sa aking mga kamay—parehong simbolo ng sakit na pisikal at emosyonal na aking nararamdaman.

Tahimik kong pinagmasdan si Elias, ngunit hindi siya lumingon at sa halip ay nagtungo siya sa cellar upang kumuha ng alak. Naupo siya sa bar island at tahimik na nagbuhos ng alak sa k