Chapter 28

Thalia's Point of view

"Pagkatapos ng isang oras na biyahe ay huminto ang aming sinasakyan sa tapat ng isang malaking bahay, o mas tamang sabihin na Villa. Bumukas ang pintuan ng kotse sa aking tapat kaya bumaba na ako ng sasakyan at mula sa kabilang side ay pinagtulungang ibaba ng kanyang mga tauhan si Mr. Welsh. Pinaandar niya ang wheelchair papasok sa loob ng bahay habang ako ay nakasunod lang sa likuran nito.

Iniisip ko kung anong damit ang gagamitin ko dahil wala akong dalang gamit kahit isa, at labis akong nag-aalala na baka ng mga oras na ito ay umiiyak na ang anak ko. kailangan kong makausap si Mr. Welsh upang magpaalam na uuwi muna ako para kumuha ng mga ilang gamit hindi ko maaaring sabihin sa kanya ang tungkol sa aking anak. Kahit na asawa ko na ito ay hindi ko pa rin siya kilala at hindi ko rin alam kung magkakasundo ba kami nito kaya mas mabuting maging pribado ang buhay ko sa kanya. Mas mainam na kilalanin muna namin ang isa't-isa bago ako bumuo ng isang desisyon para s