Kabanata 26.1

Maxine's POV

NANG makapagbihis na ito ay agad naman s'yang lumabas sa kanyang kuwarto. Parang gusto ko na nga lang lumabas at kumaripas ng takbo ngunit paniguradong magtataka naman s'ya kung bakit umalis ako ng walang paalam, hindi ba?

"I'm sorry for waiting." Saad nito at agad na nanuot sa aking ilong ang pabangong gamit nito. "What do you want? Water, coffee juice or beer?" Nakataas pa ang kilay nito ng sipatin ako kaya napaawang naman ang aking labi sa pagkataranta.

Isang black t-shirt ang suot nito habang itim na pants naman ang kanyang itinerno. Mas lalo tuloy s'yang pumuti sa suot n'ya at kahit na medyo maluwag ang suot n'yang t-shirt, hindi maipagkakaila ang maganda nitong katawan!

Dahil hindi ako agad makasagot bahagya na lang akong napailing at may pagtataka itong nakatingin sa akin. Bakit ba kasi natataranta ako?! Nakakainis!

"Uh, h-hindi na. Ayos lang naman ako!" Tugon ko rito at narinig ko pa itong bumuntong hininga bago nito muling damputin ang mga pape