Chapter 96: Blood Is Thicker Than Water

NAPALUNOK si Harold ng tumitig si Ivana sa kanya, tila tumatagos hanggang kaluluwa niya ang tinging ibinigay nito. Gusto niyang lumubog sa kinauupuan dahil sa tindi ng kabang naramdaman habang hinihintay ang sasabihin nito. 

Nababasa ni Ivana na kabado si Harold base sa galaw nito, bumalik ang mga mata niya kay Brielle, ngumiti ng matamis rito, “Hindi ba sinabi ni Harold sa’yo na tumawag ako ng ilang ulit? Hindi ka kasi sumagot kanina, at sabi niya nasa meeting room ka, kausap ang mga executives, pero mukha namang hindi business meeting ang pinag-uusapan ninyo at hindi rin executives ang kausap mo,” muling bumaling ang tingin niya sa mga tauhan ni Brielle na ngayon ay lahat nakatungo. 

Sabay-sabay na nag-iwas ng tingin ang mga ito at pakiramdam niya pinagkakaisahan siya ng mga ito.