XLI

NANLUMO SI SHEN NANG ibalik sa kaniya ni Stella ang folder na ipinasa niya kay Sir Ace. Napasinghap siya sa isiping hindi nito nagustuhan ang ginawa niya. Nakahinga lamang siya ng maluwag nang binuklat niya iyon. Wala namang nabago sa ipinasa niya. Iyon nga lang ay may sulat kamay ro'n na parang idinagdag lamang sa details ng report.

"Grabe, girl! Na-impress talaga sa'yo si sir! Biruin mo, walang errors ang report mo ngayon. Pero kung si Kristie ang nag-check niyan baka ipinaulit na sa'yo 'yan."

She rolled her eyes upon hearing the woman's name. Lagi namang may error ang mga gawa niya para dito. Kaya siguro hindi siya ma-promote dahil sa kagagawan ng lintek na si Kristie.

"Well, mabuti nga at hindi siya ang nag-check," she scoffed. She started encoding again the report. Dapat ngayong araw ay maipasa niya ito kay Sir Spade.

<