Kabanata 42

[Meghan's POV]

"Welcome to Cebu, Philippines Ms. Meghan Walton"

Nahagip ng aking paningin ang isang banner. Hawak ito ng isang may edad na babae at dalagitang tantiya ko'y nasa 20's pa lamang. Walton na kasi ang gamit kong apelyido ngayon. Matagal na itong pinabago ni Daddy Ben.

Nakangiti akong naglakad patungo sa direksiyon ng dalawang babae. Nang makalapit ako sa dalawa ay kita ko ang pagkamangha sa kanilang mga mata.

"Wow! Ms. Walton? Aba'y pagkagandang babae. Mukhang taga hollywood." Di magkaundagagang sambit ng dalagita. Mukhang napakalakas ng energy niya lalo na't titig na titig ito sa aking kabuuan. Bigla ko tuloy naalala si Gail sa kanya.

"Oo nga ano. Aba'y napakamestisa at napakaamo ng mukha." Turan naman ng kasama nitong may edad na babae. Dinig na dinig ko ang paghanga ng dalawa kaya't natutuwa ko silang binati.

"Magandang araw po sa inyo. Maraming salamat po sa compliment." Medyo nahihiyang saad ko pa. Nagkatinginan ang dalawa at