Kabanata 59

Matagal bago nakasagot si Zander. Mababakas ang labis na pagkabigla sa kanyang mukha.

Sabagay, sino ba naman ang hindi gayung nang magtapat siya ng kanyang pag-ibig ay tinanggihan ko iyon. Tapos ngayon, sa bibig ko pa mismo nanggaling na totohanin namin ang nabanggit niya noon kay Amari na malapit na kaming ikasal.

Ngunit wala na akong pakialam kung anuman ang kahihinatnan ng desisyon kong ito. Ang mas mahalaga sa akin ngayon ay ang kaligtasan namin ng anak ko.

"Amina." Mahinang sambit niya sa pangalan ko kasabay ng isang malalim na buntong-hininga.

"Zander, yun lang kasi ang naiisip kong paraan para hindi na ako muling masaktan ng hayop na Drake na iyon kung sakali mang malaman niyang buhay ako. Hindi niya maiisip na anak niya ang bata kapag naikasal ako sayo. Alam kong ligtas kami ng magiging anak ko sa puder mo. Alam kong mapoprotektahan mo kami at hindi pababayaan." Puno ng pagsusumamong sambit ko. Nagmumukha na akong desperada pero wala na akong ibang naiisip na epektibong paraan