Kabanata 63 The Good Samaritan

Malapit na ang taning na ibinigay ng duktor kay Hanna at ayaw niyang iwan ang mga taong mahal niya. Gusto pa niyang mabuhay at makasama ang mga ito ng matagal! Ngunit paano? Matagal ng gumuho ang kanyang mundo ng sabihin ng duktor ang kanyang sakit. Mandadamay pa ba siya ng iba?

Humihilab ang kanyang tiyan kasabay ng matinding pagkirot ng kanyang ulo. Hindi niya mapigil ang mapahagulgol. Napakapit siya sa kamay ni Ethan na napansin niyang kasabay niyang umiyak din.

Dinala na siya sa delivery room. Tinignan ni Dra. Leila ang kanyang blood pressure. Pinahiga siya sa bed. Halos masira na niya ang t-shirt ni Ethan sa paghila niya. Grabe ang sakit ng paghilab ng kanyang tiyan.

“Six centimeters na ang pagbukas ng cervix mo. Hintay lang tayo ng konti pa.”

“Dra. Leila, nahihirapan po si Hanna. May maari po bang magawa para maibsan ang sakit?”

“Ethan, pinili ni Hanna ang natural childbirth kaya dadaan talaga sa labor pain.”

“Huwag kang mag-alala. Kaya kong manganak ng normal,” aniya kay Ethan