Chapter Sixty Two 

AYAW na ayaw sana ni Adelaida na nakikipag-usap sa ibang tao pero hindi naman niya matanggihan si Luciano nang ayain siya nitong magmiryenda. Matapos kasi niyang hilutin si Hannah ay nakatulog ito. 

Ayaw na naman niya itong istorbohin pa sa pamamahinga nito kaya nagpasya na siyang lumabas ng kuwarto nito. Ayaw na ayaw din kasi niya nang naiinip. Ibig niyang gumagana ang kanyang isip at ang kanyang katawan. Iyon ang sikreto kaya nananatili siyang malakas at may matalas na isipan. 

“Kaibigan mo pala ang mag-asawa?” tanong nito sa kanya. 

“Yes,” wika niyang iniwas ang tingin dito. Itinuon niya ang kanyang atensyon sa miryenda na ipinahanda nito sa tinawag nitong Nurse Samantha. “At hindi lang basta kaibigan, ninang nila ako ng sila ay ikasal.”

Nang tuming