Chapter Twenty Two 

HAPPY Birthday -- iyon ang mga katagang nasa streamer nang pumasok siya sa bahay ni GB. Nang una ay nagtaka pa siya kung bakit sa halip na sa kanyang compound ipinasok ni GB ang sasakyan nito tulad ng nakagawian ay sa loob ng bakuran nito ipinasok ang CR-V nito. Hindi lang niya napigilan ang mapangiti nang maalala niya ang dahilan kaya ganoon ang ginagawa ni GB. 

Kapag daw kasi sa kanyang compound  niya nakapasok ang sasakyan nito, laging iisipin ng mga babaeng naghahabol dito na wala ito. Kahit hindi sa compound niya nakatira si GB ay mayroon itong sariling susi ng compound at bahay niya. Siyempre, dahil wala naman siyang ibang pinagkakatiwalaan kundi ito. Isa pa, kapag may emergency ay madali itong makakasaklolo sa kanya. 

Tulad na lamang nu’ng nangyari sa kanya ng na-allergy siya sa beans. Kung hindi dumating si GB sa takdang oras ay bak