Chapter 11

Tumayo ang dalaga at handa na sanang iwan na lang ang amo na nakalugmok sa sahig pero naalala niya ang sinabi ni Mrs.Belle. Trabaho niya ang tulungan ito dahil may sakit ito. Baka sinumpong ito ng sakit kaya umiiyak at naglasing.

Sa hapyaw na paliwanag ni Martha at Mrs Belle parang depression ang pagkakaintindi niyang sakit ng amo. Umiral ang pagiging likas na mabait ni Trisha. Muli itong humakbang pabalik at inalalayan ang amo upang maihiga sa kama nito.Nakapagtatakang hindi na siya nitong tinangkang hawakan at lalong hindi naman pumalag ng buhatin niya.

Pinalitan niya ito ng pang itaas na tshirt dahil basa ang bahaging dibdib marahil ay natapunan ng alak. Dinoble niya rin ang unan nito upang maiwasan ang bangungot. Pinunasan niya ng maligamgam na tubig ang mukha nito.Napansin niya ang bakat ng natuyong luha.

Napakaguwapo ng kanyang amo. Kung tutuusin maamo ang mukha nito. Maganda ang labi at mahahaba ang pilik mata. Ang nunal sa ilalim ng labi nito ang nagdududlot ng mapang akit na