CHAPTER 29 ESCAPED

ERICA

Mula noong araw na iyon ay sinubukan kong iwaksi at kalimutan ang tatay ng anak ko. Tama si Elmo, wala akong mapapala kahit ipaglaban ko pa siya kung hindi naman ako ang pipiliin niya. Bakit ko pa ipaglalaban ang taong walang ginawa kundi saktan at lokohin ako? Pinaniwala lang niya ako sa tamis ng kasinungalingan niya yun pala ay sa ibang babae siya magpapakasal.

Sinubukan kong burahin siya sa isip at puso sa pamamagitan ng paglilibang dito sa Italy. Maayos naman ang pagbubuntis ko kahit sobrang nahihiya na ako sa bestfriend ko dahil siya lahat ang gumagastos. Siya din ang namili ng mga bagong gamit ni baby Eric Travis, Yes, lalaki ang anak ko. At sinunod ko sa pangalan ko ang name niya.

Oo, sobrang hirap sa simula dahil nag-aadjust ako pero kalaunan ay unti-unting naging maayos ang kalagayan ko sa tulong ng payo ni Elmo at ni Doc Ava. Mahirap tanggapin ang naging kapalaran ko, sa pangalawang pagkakataon ay niloko ako ng lalaking minahal ko ng sobra-sobra. At hindi ko alam kung