27

NAKAHAWAK si Cielo sa kamay ng kanyang asawa habang paakyat sila sa kanilang magiging kwarto dito sa bahay na pagmamay-ari nito. 

"Ipapaakyat ko na lang 'yong mga gamit natin mamaya para maayos ko na dito sa kwarto." Imporma nya sa kanyang asawa nang makapasok na sila sa master's bedroom. 

Hindi rin ito kalakihan pero malawak ang espasyo nito. May isang king size bed sa gitna ng kwarto. May sariling walk-in closet, bathroom at banyo. 

"Maliligo muna ako, love, I can't be late today." Paalam nito. Tumango naman sya at naglakad patungo sa kama upang maupo doon. 

Sobrang lambot ng kama, tipong lumulubog ito sa tuwing uupuan. Habang hinihintay ang paglabas ng asawa mula sa banyo ay inikot nya muna ang buong kwarto. Inihanda na rin nya ang damit na susuotin ng kanyang asawa. 

Nang makapag-bihis na ito ay magkasama silang bumaba sa kusina upang mag-umagahan. Al