Chapter 43: CartZone

ATHENA’S POV

"MAMA, bilis! Nasa labas na po ang sundo natin!"

"Ang aga naman," komento ko habang nasa loob ng silid namin. Kukuha lang ako ng towel ko na dadalhin sa banyo. Basang-basa na kasi ang isa na ginamit ni Ayden kanina

Pasado alas tres pa lang kaya ng hapon.

"Ayden!" sigaw ni Ate Chona nang makitang tumalon ang anak mula sa upuan.

"Hindi naman po ako nasaktan, Mommy Chona!"

"Kahit na. Delikado. Paano kung nasaktan ka?"

"Sorry na po." Yumuko si Ayden habang nakaharap sa kapatid

Umiling ang kapatid at inayos ang damit ni Ayden. Napangiti ako sa kanila. Iginiya ko na ang aking sarili sa banyo.

"Magsuot ka na ng sapatos habang naliligo na ang Mama mo," dinig kong sabi ni Ate.

Nandito siya kasi magpapatulong ako sa buhok ko at kolorete ko sw mukha. Pangit naman kung hindi ako mag-aayos. Mukhang darating ang mga kapatid ni Grae. Ayoko namang maging kahiya-hiya sa harap nila.

Akmang papasok ako sa banyo nang marinig ang pagsigaw sa labas. Sumilip ako. Nasa baba ako noo