140.

[Alena]

“Ano?! May anak si Kairo sa ibang babae?!!!” Halos mabingi silang dalawa ni Apol sa lakas ng boses ng nanay nila. “Niloko ka niya, gano’n ba?”

“Nay, hindi po, okay?” Pinaliwanag niya sa nanay niya ang lahat nang alam niya.

Humalukipkip ang nanay niya. “Ano ang plano mo ngayon, anak? Hindi pwede na sa iisang bubong lang kayo tumira ng babaeng ‘yon. Naroon na tayo, may anak din sila, pero wala siyang karapatan na umastang may relasyon pa sila.”

“Tama si nanay, ate,” segunda ni Apol. “Ikaw ang balak pakasalan ni kuya Kairo kaya ikaw ang may mas karapatan tumira don. Sigurado ako na sinasamantala lang ng babaeng ‘yon ang sitwasyon ngayon. Gusto mo ba na humingi na ako ng tulong sa hubby ko? Naku, ipapatapon ko talaga ang babaeng yon dagat, sabihin mo lang, ate!”

Bumuntong hininga siya at umiling. “Salamat na lang, Apol.” Tanggi niya.

Sa pagitan nila ito ng babaeng ‘yon at ni Kairo, kaya sila rin ang dapat lumutas nito.

“Nay, pasuyo naman, pakibantayan si Kairo. Uuwi